Советникот на премиерот на Косово, Јетон Зуљфај, на својот Твитер профил објави документ за кој тврди дека на Вучиќ и Курти на денешната средба во Брисел им го презентирале од Европската унија, односно посредници во дијалогот, пренесува КоСсев.
Зуљфај наведува дека документот е стар шест месеци, пренесува КоССев.
Тој нагласува дека посредниците во дијалогот денеска го искористиле за „да го покријат неучеството на Србија во напорите за креирање на секвенционен план“.
„Документот е многу корисен за да се разбере како состојбата на Вучиќ стана став на ЕУ“, вели Зуљфај.
Овој документ што го објави советникот на Курти е насловен – „Опција А1 – Прва заедница на општините со српско мнозинство и потоа натамошни дискусии“.
Во него се наведува дека до крајот на март, Менаџерскиот тим со поддршка на ЕУ ќе го претстави првиот Нацрт-статут за ЗСО, по што ќе следуваат преговори за истиот.
Овој нацрт, сепак, беше претставен на 2 мај, а Приштина го отфрли, наведувајќи дека тој претставува рецепт за формирање на нова Република Српска.
Во овој документ се предвидува и дека во рок од 90 дена од претставувањето на нацртот, преговорите ќе бидат завршени, а потоа Приштина ќе ја усвои Регулативата, со што ќе се овозможи правна одржливост на Статутот.
Исто така, планирано е формирањето на ЗСО да биде завршено до крајот на октомври 2023 година, а потоа страните веднаш да започнат со преговори и имплементација на Европскиот договор.
За овој документ денеска зборуваше и косовскиот премиер Аљбин Курти, по средбата во Брисел со српскиот претседател, која заврши без позитивен исход.
Европската унија и официјален Белград го означија Курти како некој што не го прифати предлогот на посредниците, односно да се започне со формирање на ЗСО.
Курти, пак, рече дека Србија сè условувала со формирање на ЗСО и дека не излегла со формален предлог, туку дека ЕУ, наместо тоа, донела документ постар од 6 месеци.
„Тогаш дознав дека всушност Србија никогаш не предложила последователна патоказна карта, како што направивме ние, туку достави само еден документ што е услов – дека ЗСО мора прво, а потоа – ќе видиме“, рече тој.
Курти денеска изјави и дека е подготвен да преговара за ЗСО, но кога „ќе дојде време“ и со примена на „косовскиот, европскиот и американскиот столб“ – кои гарантираат дека ова тело ќе биде во согласност со косовскиот устав и нема да има извршни овластувања.овластувања. Од друга страна, тој подвлече дека формирањето на ЗСО не може да биде услов за спроведување на европскиот договор склучен годинава.
КоССев го пренесе текстот на документот што го објави Зуљфај, за кој Курти зборуваше во Брисел.
