Принцот Хари и Меган Маркл доживеаја нов удар во ОК каде нивната популарност продолжува да опаѓа и покрај напорите да се смени трендот.
Тие бележат пад на популарноста по сензационалното излегување од кралското семејство и преселбата во САД во 2020 година, пишува Експрес, а пренесува N1 Загреб.
Првите жестоки тврдења на Хари и Меган за кралското семејство не наидоа на добар одзив во јавноста, која сè повеќе им ја негираше поддршката.
Тие остануваат меѓу најмалку популарните членови на кралското семејство во третиот квартал од 2024 година, според најновото рангирање на YouGov.
Популарноста во опаѓање
Популарноста на принцот Хари е 27 отсто, што е за седум бодови помалку отколку во јуни кога „Дејли Бист“ ја објави својата листа.
Во меѓувреме, популарноста на неговата сопруга Меган падна на 23 отсто од 26 отсто во јуни.
Вреди да се напомене дека на истата платформа – YouGov, популарноста на принцот Хари достигна 23 проценти во јули 2024 година, што е зголемување за четири поени.
Популарноста на војвотката од Сасекс доживеа поголем пад, бидејќи во јули изнесуваше 31 отсто, осум поени повеќе од последните 23 отсто.
Принцезата Кејт и понатаму е најпопуларна со 73 отсто, што е два бодови повеќе од 71 отсто во јули. Во однос на популарноста, пред неа е само кралицата Елизабета Втора. По Кејт следат принцезата Ана и принцот Вилијам, со 70 проценти.
