Во тек се последните подготовки за новогодишно украсување на градот Велес.
За првпат оваа година Општина Велес изготви проект и набави украси за повеќекратно користење, кои ќе придонесат за ново празнично руво на градот.
-За да биде впечатокот комплетен, во тек се подготовките и за првиот новогодишен хепенинг. Сите заинтересирани локални винарници, занаетчии, музичари и групи, како и останати заинтересирани учесници, ве молиме да го пријавите вашиот интерес во архивата на Општина Велес или на официјалната мејл адреса opve@veles.gov.mk најдоцна до 7 декември – повикуваат од локалната самоуправа.
