Српскиот тенисер Новак Ѓоковиќ го совлада Френсис Тиафо на егзибицискиот турнир во клубот Харлингем, бидејќи по 1:1 во сетови (6:3, 6:3) го доби решавачкиот тај-брејк 10:7. Добрата вест е што Ноле играше без никаков завој на бутот, што му пречеше за време на Ролан Гарос, па ќе биде целосно фит за Вимблдон.
Ѓоковиќ се забавуваше, цело време се шегуваше со Тиафо, но повремено се играше сериозен тенис. На крајот Тиафо му честиташе на Ѓоковиќ и остана да ја слуша неговата изјава до крај, а кога Ноле рече дека му е чест да игра со „младите тенисери“, се вмеша Американецот и додаде:
„Ќе играш до 60 години…“. Тоа го насмеа Ѓоковиќ, кој навистина игра неверојатен тенис и на 37 години и затоа е фаворит број еден на Вимблдон.
„Беше важно да се игра пред Вимблдон, тука е навистина прекрасно. Дали ќе јадам трева? Не, јадам само од Вимблдон… Вимблдон е најважниот турнир во светот и не сум единствениот кој сонувал да го освојам. Имав можност да излезам на трева на Централниот терен и тоа е голема чест за мене, бидејќи не беше возможно во претходните години. Кога и да сум тука, како да ми е првпат“, рече Ѓоковиќ. .
Вимблдон почнува на 3 јули , a Новак Ѓоковиќ тргнува од судир со Педро Кахина од Аргентина, а во второто коло ќе ги одмери силите со Џордан Томпсон – Брендан Накашима. Во третото коло, Новак би можел да оди против Ечевери/Запата Мираљас или Русувори или Вавринка. Лоренцо Музети може да биде негов противник во осминафиналето. Рубљов/Бублик или Кирјос во четврт-финалето, Руд, Синер или Фриц во полуфиналето и Алкараз во финалето.
