Пред нас е драстична промена на времето. Од запад доаѓа посилна облачност со врнежи од дожд, локално изразени врнежи и грмежи кои во четврток ќе ја зафатат Хрватска, а потоа и останатите делови од регионот.
Според прогнозата на Републичкиот хидрометеоролошки завод (РХМЗ), од петок, 13 септември, се очекува забележливо заладување со врнежи од дожд, врнежи и грмежи во сите региони на Србија. Во Војводина и на истокот од Србија ќе почне да дува умерен и засилен западен и северозападен ветер.
ПРИСТИГНУВА ЦИКЛОНОТ БОРИС: Европа се подготвува за поплави од невидени размери
„Студеното време со врнежи од дожд ќе потрае и за викендот, но и на почетокот на наредната недела, а максималните температури на повеќето места ќе бидат од 13 до 16 степени“, се наведува на веб-страницата РХМЗ.
По два дена стабилно и сончево време, во четврток повторно се очекуваат врнежи и ново освежување, со позабележителен пад на температурите во Хрватска, а во петок на места во средината на денот ќе има само девет степени Целзиусови, јавуваат Јутарњи лист.
ДХМЗ за утре активира и жолт метео аларм за целата земја, а на крајбрежјето е прогласен и портокалов метео аларм.
Во Македонија, по обилните врнежи, од следните часови, како и утре (четврток) ќе имаме краткотрајно стабилизирање на времето. Од петок, па во деновите потоа под влијание на нов влажен бран од запад ќе имаме нови повремени врнежи од дожд, локално поројни и проследени со грмежи како и со засилен ветер.
Нестабилното време и со почести врнежи ќе го имаме и во текот на следната седмица.
Поради продор на многу поладен воздух од север, од викендот, па во текот на следната седмица температурите ќе бидат невообичаено ниски за овој период од годината, па така наутро не се исклучува можноста за појава и на првиот мраз за оваа сезона, особено на повисоките и на планинските места во Македонија.
Поради падот на температурите на воздухот, на високите планини (над 2000 м.н.в) го очекуваме и првиот снег за оваа сезона, што значи дека ја очекуваме и првата мала снежна покривка на високите планини, особено во западната половина од државава.
Што се однесува до температурите, тие од викендот ќе бидат многу пониски од сегашните и преку ден ќе се искачуваат во интервалот само од 14 до 22 степени.
Првиот снег со овој ладен продор од север го очекуваме и на многу планински места ширум Балканскиот Полуостров, што значи дека грејната сезона оваа година ќе ни започне многу порано.
Силно невреме и голем пад на температурите во наредните денови
