Израелскиот премиер Бенјамин Нетанјаху ги критикуваше плановите објавени претходно од армијата за дневни тактички паузи во борбите долж една од главните рути во Појасот Газа за да се зајакне протокот на помош.
Израелската армија претходно објави дека воените активности ќе бидат прекинати од 06:00 до 17:00 часот по патот што води од преминот Керем Шалом до патот Салах Ал Дин, а потоа кон северниот дел на Појасот Газа.
– Кога премиерот дозна за извештаите за единаесетчасовната хуманитарна пауза, веднаш го повика министерот за одбрана и изрази јасен став дека тоа е неприфатливо – изјави неименуван израелски функционер, пишува Ројтерс.
Армијата потоа појасни дека операциите ќе продолжат во Рафах, каде што фокусот на операциите е во Газа.
