Радослав Драгијевиќ, таткото на осомничениот Дејан, беше изненаден од сведочењето на Срѓан Јанковиќ, кој е осомничен за убиството на Данка Илиќ (2). Да потсетиме, Јанковиќ во Вишото јавно обвинителство во Заечар изјави дека „никогаш не го видел девојчето ниту ја убил“. Дејан, сепак, призна се.
“Со денови не сум дома. Само што дојдов, бев отсутен поради обврски. Многу сум болен и го минувам времето на лекар. Не сум запознаен што рече, сега слушам. Па што сега, сака да префрли се за мојот син да остане во затвор до крајот на животот, изјави Радослав Драгијевиќ за српски Телеграф.
Инаку, тој помина два месеци во притвор поради сомнение дека им помогнал на осомничените да го пренесат телото на девојчето од депонијата на засега непозната локација. Срѓан Јанковиќ, еден од осомничените, се бранеше со молчење повеќе од два месеци.
Сепак, тој реши да ја изнесе својата одбрана и рече дека никогаш не го видел девојчето ниту пак го удрил со својот службен автомобил. Тој, како што пишуваат српските медиуми, изјавил дека не се чувствува виновен ниту дека чувствува каење за случајот со Данка Илиќ. Девојчето исчезна на 26 март. До денес, таа не е пронајдена.
