Центарот на Денвер, Никола Јокиќ, со блескави партии од почетокот на оваа сезона заслужи да се најде во трката за место кое води на Ол-стар натпреварот во Шарлот. Но, мирното момче од Сомбор вели дека не се секира многу за тоа дали ќе го пронајде своето место на тој спектакл.
- Нема да умрам ако не се најдам на Ол-старот. Ако бидам дел од тоа, тоа е сосема кул. Секако дека сакам да се најдам на тоа место, на Ол-стар. Би сакал да бидам дел од таа екипа. Но, тоа не е причината поради која играм кошарка, објасни најдобриот играч на Денвер во досегашниот дел од сезоната.
