Инцидент се случил во основното училиште „Слободан Бајиќ Паја“ во Печинци кога наставник удрил ученик, кој се здобил со повреди на главата. Како што јавува РТС, повикувајќи се на сознанијата на ТВ Срем, детето е згрижено, а против наставникот е поведена дисциплинска постапка и тој е суспендиран од работа.
Според ТВ Срем, инцидентот се случил во просториите на стручната служба, каде наставник по физичко удрил 13-годишно момче кое потоа паднало, со глава го удрил во аголот од плакарот, по што се здобило со повреди на главата.
Директорката на училиштето Милијана Срдиќ потврдила дека имало инцидент со елементи на насилство при што ученикот од предметна настава се здобил со расекотина на челото од наставникот по физичко, пренесува РТС.
Таа нагласи дека училиштето ги презело сите мерки предвидени со законот.
Како што се наведува, наставничката по физичко во училиштето работи неполна деценија, а родителите на момчето не сакале да се огласуваат. За се била информирана полицијата.
