Меѓународниот олимписки комитет (ИОК) ги соопшти правилата за заштита од коронавирус на Зимските олимписки игри во Пекинг 2022 година. Меѓу нив се 21-дневен карантин за спортисти кои не се ревакцинирани и забрана за продажба на билети за секој што не живее во Кина.
Иако не наметнуваат задолжителни вакцини за учесниците, организаторите на Зимските игри планираат построги мерки од оние што беа применети на Олимписките игри во Токио ова лето. Во Токио, организаторите ја „охрабрија“ вакцинацијата, но таа не беше задолжителна.
Правилата вклучуваат 21-дневен карантин при пристигнување во Пекинг за спортисти, службеници и работници кои не се ревакцинирани, секојдневно тестирање на коронавирус на вакцинираните и забрана за продажба на билети за оние кои живеат надвор од Кина.
Спортистите можат да побараат да не влегуваат во карантин од „оправдано медицинско ослободување“, што е израз што ги исклучува идеолошките приговори за вакцините.
Инаку, ова се втори по ред Олимписки игри во време на пандемија кога семејствата на спортистите нема да можат да ги следат натпреварите во живо. Исто така, гости на радиодифузери, спонзори и спортски организации нема да присуствуваат на натпреварувањето.
Организаторите на Игрите во Пекинг планираат да создадат балон за безбедност, дури и за вакцинирани учесници од 23 јануари, речиси две недели пред почетокот на натпреварувањето, које ќе биде отворено на 4 февруари.
Балонот ќе се користи и на Параолимписките игри во Пекинг, кои завршуваат на 13 март.
- Во тој балон, учесниците ќе можат да се движат само помеѓу места за работа, тренинг и натпревар, изјавија од ИОК.
