Поранешниот шампион на УФЦ во тешка категорија, Френсис Нгану, не успеа во втората професионална борба во бокс, бидејќи беше нокаутиран во втората рунда од поранешниот шампион во бокс, во тешка категорија Британецот Ентони Џошуа.
И покрај бруталниот пораз, Нгану не брза да се збогува со боксот. Во интервју за ИФЛ ТВ „Предаторот“ јасно стави до знаење дека со задоволство ќе прифати борба со поранешниот шампион на ВБЦ, Дионтеј Вајлдер (43-3-1, 42 КО): „Секако дека би! Видете, разбирам дека многу луѓе се сомневаат во мене во моментов. Но, јас сум борец. Јас сум тука да се борам“.
Нгану тврди дека е подготвен да се соочи со каков било предизвик.
„Ова е еден вид на работа“. „Излегуваме и се бориме. И сè уште сум подготвен да се борам со секого. Подготвен да го прифатам секој предизвик. Ја прифаќам понудата, се подготвувам за битката и потоа се враќам повторно. Некогаш функционира, некогаш не…“
Од 2019 година Вајлдер има само 4 борби во кои претрпе три порази – двапати беше нокаутиран од Тајсон Фјури, а во декември монатата година загуби на поени од Џозеф Паркер.
