Најмалку 12 луѓе го загубија животот во експлозија на цистерна со гориво во тунелот Саланг на северот на Авганистан. Во експлозијата се повредени 30 лица, а се стравува дека бројот на жртвите е многу поголем.
„Ги видовме телата на жртвите, беа целосно изгиорени, не се гледаше дали се мажи, жени или деца. Извлековме околу 12 тела“ – изјави очевидец за локалната телевизја TOLOnews.
Според првичните информации, до инцидентот дошло поради „технички проблеми“, а пожарот предизвикан од експлозијата потоа се проширил и на возилата во близина.
По неколку часа, пожарот е ставен под контрола, но тунелот кој го поврзува северниот дел од земјата со главниот град Кабул и понатаму е затворен за промет.
