Најмалку девет лица, вклучително и осумгодишно девојче, загинаа, а околу 2.800 се повредени во експлозиите на пејџери, изјави либанскиот министер за здравство Фирас Абијад.
Серија пејџер експлозии користени од членовите на Хезболах се случиле во 15:30 часот по локално време, пренесе Си-Ен-Ен.
Претставниците на Хезболах на Телеграм рекоа дека покренале истрага за инцидентот, без да обвинат ниту една страна.
„Израел ќе продолжи да дејствува за спроведување на оваа цел“, соопшти во понеделникот кабинетот на премиерот Бенјамин Нетанјаху.
Пред гласањето во понеделник, Нетанјаху рече дека нема да биде можно да се вратат жителите на север без „фундаментална промена во безбедносната ситуација“ низ границата, соопшти неговиот кабинет.
Тој додаде дека Израел „ќе направи се што е потребно“ за да ги врати жителите во нивните домови.
Министерот за одбрана Јоав Галан беше поексплицитен, велејќи дека единствениот начин да им се дозволи на жителите да се вратат дома е „воена акција“.
