Одредени намирници мора да бидат термички обработени пред консумирање. Но, има и такви кои со термичка обработка би ја изгубиле хранливата вредност и треба да се јадат сирови.
Меѓу намирниците кои се поздрави кога се јадат сирови, најмногу има зеленчук и овошје.
Брокула
Брокулата содржи големи количини на фитохемикалија сулфорафан, која помага во спречување на срцеви заболувања, воспаленија, депресија и многу други штетни здравствени состојби. Студијата објавена во „Journal of Agricultural Food and Chemistry“ покажа дека нашето тело побрзо апсорбира сулфорафан кога јадеме сирова брокула наместо варена. Друга студија покажа дека готвењето брокула на различни начини го намалува нивото на витамин Ц.
Лук
Една неодамнешна студија покажа дека загревањето на лукот на 200 степени за шест минути целосно ја уништува антиагрегацијата во лукот. „Постои уште една здравствена придобивка од користењето на сиров лук, како што покажа една студија, дека топлината го деактивира ензимот алииназа“, вели нутриционистот Нанси Вудбери. „Готвењето лук околу 20 минути целосно ќе го уништи неговото антибактериско дејство, а само една минута во микробранова печка ќе уништи 100 отсто од неговата способност“, предупредува таа.
Боровинки
„Боровинките содржат повеќе антиоксиданси од кое било друго овошје, главно поради високата количина на полифеноли“, вели Џули Џофрин, фитнес инструкторка. Ако ги јадете сирови, ги добивате сите овие придобивки. Истражувањето објавено во „Journal of Agricultural and Food Chemistry“ покажува дека термичката обработка на боровинките го намалува нивото на полифеноли.
Црвени пиперки
Печените пиперки се брз и лесен додаток на секој оброк, но можеби ќе сакате да размислите да ги јадете сирови. Тие се одличен извор на витамин Ц, а топлината може да го уништи.
Кељ
Кељот содржи соединенија наречени глукозинолати, а кога ќе дојдат во контакт со ензимот мирозиназа, тие се претвораат во различно соединение кое помага во борбата против разни болести. Сепак, топлината ја деактивира мирозиназата, така што зготвениот кељ ги нема истите својства за борба против болести како салатата од сиров кељ.
