Ирскиот УФЦ борец Конор Мекгрегор посака да ги одмери силите против јаонскиот УФЦ борач Теншин Насукава, кој пред една недела беше нокаутиран од Флојд Мејведер по само 138 секунди. За оваа борба Американецот заработи девет милиони долари.
Поради тоа, Конор преку својот „Твитер“ профил го предизвика Насукава и напиша дека сака борбата да биде по ММА правилата.
- Сакам да се борам во Токио со Насукава по ММА правилата и тоа пред летото. Ве молам, договорете ја оваа борба, напиша Ирецот.
Не се чекаше долго на одговор од Насукава.
- Драг господине Мекгрегор. Ви благодарам што го паметите моето име. Чест ми е што воопшто размислувате за тоа. Дојдете до 58 килограми, кик – бокс правила и сигурно ќе се бориме, напиша Насукава.
