Шпанскиот тенисер Рафаел Надал, би можел да игра во финалето на Дејвис куп турнир во Малага во ноември. Надал долго време се мачи со повредите и се наѕира крајот на неговата кариера, па петтото подигање на „салатара“ веројатно би било најдоброто можно збогување од тенисот за славниот Шпанец во овој момент. Ваква можност најави и Давид Ферер, селекторот на Дејвис куп тимот на Шпанија.
“Веќе разговарав со Рафа, но ништо не е договорено. Постои можност тој да биде во тимот. Неговата цел оваа година беа Олимпијадата, оттогаш не играше. Му треба одмор и време со семејството, па сега не е време да му се јавам. Најважно е дека тој ќе биде добар во ноември, кажа Ферер и додаде:
„Има доволно време да го одредиме тимот за Малага. Сега сите треба да се фокусираат на турнирите. Имаме многу добри тенисери кои можат да направат добар тим“, заклучи Ферер.
