Стара снимка од интервју со поранешниот лидер на руската Вагнер група, Евгениј Пригожин, повторно стана актуелно по несреќата во која загина рускиот бизнисмен.
Интервјуто првично беше објавено од рускиот воен блогер Семјон Пегов, кој разговараше со Пригожин на 29 април.
Многумина го сметаат за контроверзен делот од интервјуто во кој Пригожин зборува за авионската несреќа.
https://twitter.com/Gerashchenko_en/status/1695779050621391347?ref_src=twsrc%5Etfw%7Ctwcamp%5Etweetembed%7Ctwterm%5E1695779050621391347%7Ctwgr%5E89c92f3965d49a4f61d2876f336562c777d60605%7Ctwcon%5Es1_&ref_url=https%3A%2F%2Fwww.novosti.rs%2Fplaneta%2Fsvet%2F1274373%2Fjezive-reci-prigozina-starom-intervjuu-kao-predvideo-smrt-pricao-avionu-koji-raspada-video
Инаку, руските воздухопловни власти оваа недела објавија дека шефот на групата Вагнер бил во приватен авион што се урна северозападно од Москва во средата, точно два месеци откако го предводеше неуспешниот бунт против Кремљ.
Тогаш се огласи и Кремљ, наведувајќи дека тврдењата на Западот дека тој бил убиен по нивна наредба се „апсолутна лага“, пренесува Ројтерс.
Пригожин во интервју рече дека Русија е на работ на катастрофа бидејќи одбранбениот систем постепено ги отстранува оние кои ја кажуваат вистината за војната.
„Денеска стигнавме до точката на вриење. Зошто зборувам толку искрено? Затоа што немам право да ги лажам тие луѓе кои ќе продолжат да живеат во оваа држава. Сега ги лажат. Подобро убијте ме“, вели Пригожин.
„Нема да лажам, морам искрено да кажам дека Русија е на работ на катастрофа. Ако работите не се средат, авионот ќе се распадне во воздух“, додаде Пригожин.
