Досега нема информации за загинати или повредени македонски државјани во денешниот катастрофален земјотрес во Хрватска, велат за МИА од Министерството за надворешни работи на С Македонија.
Сите македонски државјани во Хрватска за евентуална помош можат да се обратат на отворениот телефонски број: +385916048000.
Во разорниот земјотрес со јачина од 6,3 степени според Рихтер, кој денеска ја погоди Хрватска, според досегашните информации, загинаа најмалку шест лица, а повеќе од 20 се повредени.
Предизвикана е голема материјална штета во Петриња, Загреб и Сисак.