Голем инцидент се случил на кошаркарски натпревар во средно училиште во малото гратче Литонија во предградието на Атланта.
Младите кошаркари на едната екипа не беа задоволни од одлуките на судијата, па веднаш по натпреварот истрчаа на теренот физички да се пресметаат со него.
Судијата почна да се повлекува за да избегне конфликт, но групата момчиња не се откажа од намерата. Тие го соборија судијата на земја и почнаа немилосрдно да го удираат по стомакот и главата.
Y’all these bad ahh kids got off on the referee 😐 Why the other refs ain’t help tho pic.twitter.com/FGXhxqFDer
— NoPauseTv (@NoPauseTv) April 4, 2022
Несреќниот судија се здобил со тешки повреди на главата. Веднаш бил префрлен во болница и добил 30 конци.
Полициската управа на округот Декалб го истражува случајот, а според извештајот, извршителите на инцидентот се малолетни и засега никој не е уапсен.
