„Морам да кажам дека преку свиркачи добиваме многу сведоштва, документи и таков еден случај документиран прилично темелно и јасно добивме пред неколку дена и го истражуваме и анализираме кои се однесува за сега, а не за минатото. Бидејќи анкетната комисија го опфаќа периодот до 2020 година, јас зборувам за сега за 2023 година“, изјави денеска претседателот на ВМРО-ДПМНЕ, Христијан Мицкоски, за случајот Онкологија.
Претседателот продолжи и додаде дека сè уште информациите од свиркачот се проверуваат и доколку се потврдат информациите лично тој ќе излезе во јавност со тие информации.
„Ако тоа се потврди за точно тогаш навистина можам да кажам дека имаме работа со монструми, а не со луѓе кои и покрај ова што се случува и покрај епскиот скандал, тие повторно продолжуваат со злоупотреби кои имаат нечовечки размери и ние планираме со ова да излеземе во јавност доколку ова што го достави свиркачот се потврди како точно и имаме намера на обвинителството да му отвориме сериозна работа бидејќи гледаме дека истрагата во МВР се калкулира, се препелкаат тогаш имаме ние намера, ние да ја преземеме работата во свои раце и да одиме до крај“, заклучи Мицкоски.
