Намерата на Министерството за одбрана е повеќе да се фокусира на човечките ресурси и условите за војниците во следните години, не занемарувајќи ја модернизацијата на армијата со нова опрема. Како што соопшти министерот за одбрана Владо Мисајловски, во моментов Министерството има неколку договори за набавка на опрема.
Универзитетскиот професор од Грција, Јоанис Армаколас, вели дека е прекршено ветувањето дека сите држави од поранешна Југославија постепено ќе се приклучат кон западните институции.
„Ја гледаме Србија, која многу вешто ја игра играта балансирајќи меѓу најмалку четири светски мегасили, но и во односите со средните сили како Турција или Арапските Емирати. Тоа не се случува само со Западен Балкан, туку и со поширокиот регион. Во Србија гледаме дека мислењето создаде непријателство со западните земји и повеќе се приклонува кон Русија или кон Исток, тоа се случува токму поради фрустрацијата од евроинтеграцискиот процес. Ова се случува и во други земји, вклучително и во Северна Македонија„, рече Јоанис Армаколас – универзитетски професор.
На конференцијата „НАТО – 75 години унија“ беше најавена и нова помош за Украина со опрема која, како што рече Мисајловски, не и треба на Македонија.
