Група милионери од Нов Зеланд се обиделе да истераат бездомник кој живее во пештера во близина на нивните луксузни домови, бидејќи тоа им го „расипува погледот“.
Шеесет и четири годишен маорец од Нов Зеланд, познат само како Ави, се пресели во пештерата во 2020 година, поставувајќи импровизирана кујна со шерпа, тави, па дури и полици.
Тој порано живеел во локален парк, но бил преместен кога избила пандемија на коронавирус.
Богатите сопственици на куќи, кои живеат во мултимилионски резиденции околу резерватот Монт Друри во градот на плажата Маунгануи, не биле задоволни што Ави се населил толку блиску, бидејќи сметаа дека им го расипа погледот на познатата плажа.
„Таму нема станови, пријателе. Тоа беше единственото место каде што можев да најдам засолниште, во карпата. Можеби изгледа прилично темно, но за мене тоа е само засолниште, место каде што можам да се загреам. Има многу други луѓе во светот денес кои се во полоша ситуација од мене. Кој сум јас да се жалам? “, рече Ави, татко на пет деца и дедо.
Ави, кој претходно работел како градител и во шумарство, изјавил дека сопствениците на куќите сакале тој да излезе од пештерата и дека одржале состанок поради него, како и дека побарале помош од поранешниот лидер на опозицијата , пратеник на Тауранга, Симон Бриџис.
Бриџис потврди дека му се обратиле локални жители кои сакале Ави да се пресели и рече дека вистинскиот одговор на тоа прашање ќе биде да обезбеди поодржливо социјално домување за бездомниците.
Извор:www.thesun.ie
