Поранешната девојка на познатиот актер од серијата „Пријатели“ Метју Пери, кој беше пронајден мртов во када, моделот Кајти Едвардс, тврди дека покојниот актер се обидел да користи бизарни методи за да престане да користи дрога. Наводно, како што изјавила во последното интервју за британскиот Сан, тој ги залепил рацете на колената во очајничкиот обид да престане да зема дрога.
„Бев со Метју во Холивуд Хилс. Беше во лоша форма. Во текот на целата ноќ конзумирал многу дрога, најверојатно кокаин во комбинација со други супстанци. Го најдов Метју на каучот со рацете залепени на нозете. Беше очајно тажно. Морав да користам средство за отстранување лак и маслиново масло за да го ослободам“, објасни Кајти.
Таа исто така истакнува дека последиците од таа вечер биле страшни.
„Буквално му ги отстранив влакната од нозете кои потоа му беа црвени и имаше темни дамки по кожата. Тоа беше прилично ужасно“, се сеќава манекенката.
Ова не е прв пат неговата поранешна девојка да зборува за неговиот живот. Таа претходно изјавила дека не верува дека тој се удавил во џакузи, а иако официјалната причина за смртта се уште не е откриена, таа верувала дека Пери починал од предозирање.
Подоцна, неговиот извештај од обдукцијата покажа дека таа била во право. Причините за неговата смрт биле акутните ефекти на кетаминот.
Кајти и Метју беа во врска во 2006 година, по средбата на состанок на анонимни алкохоличари, а раскинаа во 2011 година. Сепак, тие останаа во добри односи, а Кајти дури и работеше како негов помошник.
Како што тврди Page Six, актерот земал тешки комбинации во последните денови од животот. Тој земал инјекции со тестостерон, тамоксифен за слабеење, лекови против дијабетес и никотински лижавчиња додека се обидувал да се откаже од цигарите, а згора на тоа користел смртоносни количества кетамин помешани со опиоидниот бупренорфин. Според извештајот на лекарот, Пери се потпирал на препишани лекови и лекови без рецепт за да го одржи квалитетот на својот живот.
