Англискиот премиерлигаш Евертон е последниот клуб кој покажа интерес за услугите на американскиот интернационалец од редовите на италијанскиот калчо гигант Јувентус, Вестон Мекин. Крилниот напаѓач е веќе информиран од раководните лица на „старата дама“ дека може да си најде нова средина за време на зимскиот преоден рок, но официјланата понуда за неговите услуги не смее да биде помала од 15 мил. фунти.
