Десетици илјади Израелци се собраа вечерва во Тел Авив за да побараат од владата да постигне договор за ослободување на заложниците од Појасот Газа.
Околу воениот штаб се собраа маси луѓе, а според Тајмс оф Израел овој протест се очекува да биде најголем досега.
Протестот се одржува откако израелската армија во саботата вечерта ги лоцираше телата на шестмина заложници во Појасот Газа.
Истовремено, семејствата на седумте американски заложници кои и денеска се во енклавата побараа преку изјава од премиерот Бенјамин Нетанјаху да се склучи договор за враќање на заложниците и примирје.
Тие предупредија дека се загрозени животите на заложниците и потсетија дека во неколку наврати предупредувале за можноста од таков исход.
ИД го пронашла и телото на американскиот заложник Херш Голдберг Полин, а американскиот претседател Џо Бајден денеска разговарал со неговите родители за да му изрази сочувство за убиството на нивниот син од страна на Хамас, пишува Тајмс оф Израел.
Happening now: massive demonstration in Tel Aviv calling on Prime Minister Benjamin Netanyahu to immediately get a hostage release-ceasefire deal done. pic.twitter.com/rMcl5wPrSt
— Republicans against Trump (@RpsAgainstTrump) September 1, 2024
