Веројатно никој од нас нема да има работа во иднина поради развојот на вештачката интелигенција (ВИ), но проблемот ќе биде да се најде смислата на постоењето, изјави американскиот претприемач Илон Маск.
Тој, говорејќи преку веб-камера на конференцијата Виватех во Париз, нагласи дека за реализација на ваквото сценарио се неопходни „универзални високи приходи“ и иднина во која нема да има недостиг од стоки и услуги, пренесува Си-Ен-Ен.
Според визијата на Маск, луѓето сепак ќе можат да работат ако сакаат, но тоа нема да биде задолжително.
„Ако сакате да работите работа која е некако хоби, можете, но вештачката интелигенција и роботите ќе ја набават целата стока и ќе ги извршуваат сите услуги што ви се потребни“, вели сопственикот на компанијата Тесла.
Во исто време, тој изјави дека е загрижен за развојот на вештачката интелигенција и ги повика родителите да го организираат пристапот на нивните деца до социјалните медиуми, бидејќи овие платформи се „програмирани од вештачка интелигенција која го подига допаминот до максимум“.
Маск претходно оваа година изјави дека вештачката интелигенција попаметна од луѓето ќе биде достапна до 2026 година.
Извршниот директор на Baidu, Робин Ли, вчера на конференцијата на Vivateh изјави дека денешните најмоќни модели со вештачка интелигенција се уште се далеку од нивото на човечка интелигенција.
Ли верува дека ќе бидат потребни најмалку 10 години за вештачката интелигенција да ја надмине човечката интелигенција, пренесува Танјуг.
