Манчестер Јунајтед има ужасна сезона, a доволно за илустрација е последниот првенствен натпревар кој заврши со убедлив триумф од 4:0 на Кристал Палас.
„Црвените ѓаволи“ моментално се на 8-та позиција на табелата, а претходно завршија на четвртото место во групната фаза од Лигата на шампиони иако беа во група со Баерн (М), Копенхаген и Галатасарај.
Пред десет дена Јунајтед го прослави пласманот во финалето од ФА Купот. И покрај предноста од 3:0, избраниците на Ерик тен Хаг после пенал рулетот го елиминираа второлигашот Ковентри, а за трофејот ќе играат против Манчестер Сити на 25 мај на „Вембли“.
Резултатите се далеку од добри, а истото важи и за атмосферата во соблекувалната. За ова доволно говорат последните информации за Антони, кому му се заканува суспензија.
Имено, постои голема можност бразилскиот интернационалец да биде суспендиран до крајот на сезоната поради неверојатната глупост што ја има направено.
Играчот го нарече Тен Хаг ќелава јајце-глава во групниот разговор помеѓу соиграчоте, но брзо сфати дека добил нож во грб.
Неименуван играч испратил скриншот од коментарот до холандскиот стручњак и сега Бразилецот се соочува со суспензија.
Останува да видиме во наредните денови што ќе биде со него и каква одлука ќе донесат челниците на Манчестер Јунајтед. Да потсетиме, тој е еден од играчите кои се ставени на трансфер листата, каде што има дури 12 имиња.
