Познатиот српски актер Марко Николиќ, најпознат по улогата на Драгиша Попадиќ, викан Гига Моравац, од серијата „Подобар живот“, почина на 73 години.
Радио телевизија Србија објави дека познатиот српски актер починал на 1 јануари во Градската болница во Белград. Николиќ е роден на 20 октомври 1946 година во Краљево, дипломирал глума на Академијата за театар, филм, радио и телевизија во Белград.
Беше член на Народниот театар од 1970 година, а играше и на филм и на телевизија. Телевизиска слава му донесе и улогата на Караѓорѓе, чиј лик го толкуваше во серијата „Вук Караџиќ“, но и во телевизиската драма „Смртта на Караѓорѓе“ и телевизиската серија „Театар на Србите“. Ликот на Караѓорѓе го играше и во филмот „Шејтанов војник“.
Незаборавни улоги оствари и во филмовите „Монтевидео, бог те видео“, „Наскоро ќе биде пропаст на светот“, „Диви години“, „Ужичка република“, „Бошко Буха“, „Петриин венец“ и многу други.
