Во просториите на Општинската организација на Црвениот крст во Делчево на 8 август ќе се одржи крводарителска акција..
– Продолжуваме со нашите акции кои овој пат се совпаѓаат со одбележувањето на „Свети Пантелејмон“ кој бил познат како народен лекар и со тоа на некој начин ја нарекуваме празнична крводарителска акција. Акцијата в четврток е осма по ред оваа година и очекуваме да има голем број дарители, вели претседателката на делчевскиот Црвен крст, Билјана Георгиевска.
Таа посочи дека годишниот план за крводарување е реализиран околу 80 проценти.
– За целосно остварување на тоа што го имаме планирано имаме уште неколку крводарителски акции до крајот на годината со крводарителите од Делчево и Македонска Каменица, што ќе биде доволен период да ја надминеме бројката од 700 крвни единици, која минатата година ја остваривме, додаде Георгиевска.
