По три недели зимски одмор, околу 270.000 средношколци и основци, меѓу кои и 20.000 првачиња утре се враќаат на настава за второто полугодие од учебната 2018/2019 година.

МОН пред една седмица соопшти дека за евентуално одложување на второто полугодие поради заразата од морбили ќе биде во координација со Министерствата за здравство и за труд и социјална политика, но Комисијата за заразни болести од Министерството за здравство кон крајот на минатата недела заклучи дека нема продолжување на распустот за учениците.

Министерот Арбер Адеми неодамна информираше дека е во финална фаза втората нацрт-верзија од новиот закон за основното образование и дека наскоро ќе биде објавена на електронскиот регистар на прописи-ЕНЕР.