Опсесијата со фудбалот е присутна насекаде, што е особено видливо од почетокот на Светското првенство. Тоа го докажува и фактот што еден корисник на TikTok, кој тврди дека е „патник низ времето“, предвидел кој ќе ја преземе титулата шампион во Катар на 18 декември.
Корисник кој на споменатата социјална мрежа се претставува како „World Cup Time Traveler“ со сите го сподели своето предвидување за тоа кој ќе биде во финалето на овогодинешното Светско првенство.
На бизарната снимка, претставена како да доаѓа „три недели во иднина“, се покажа кои две фудбалски екипи стигнаа до крајот, конечниот резултат од нивниот натпревар, како и славењето на победничката екипа.
Според неговата прогноза, земјите кои меѓусебно ќе играат на 18 декември се Бразил и Франција, додека победата ќе му припадне на Бразил со резултат 2:1.
На видеото кое за кратко време го погледнаа над 20 милиони луѓе, бразилските играчи и навивачите слават, додека разочараниот француски играч Оливие Жиру си замина со наведната глава.
@worldcuptimetraveller helping you out like last year #worldcup #wm #wc #wc2022 #qatar #qatar2022 #football #timetravel #timetraveler #brazil #france ♬ Back in Time x Hung Up – worldcup time traveller
„Time Traveler“ надополни се со реална презентација на резултатите од мечот од Светското првенство, како и список на играчи во финалето.
Корисникот го фаворизираше Маркињос да го скрши мразот со првиот гол за Бразил, по што израмни Антоан Гризман. Сепак, Ричарлисон на крајот го постигнува победничкиот гол, кој ги крши срцата на Французите и навивачите на оваа репрезентација ширум светот.
Видеото брзо собра над два милиони лајкови, а некои беа импресионирани од монтажните вештини на „патникот низ времето“.
„Зошто изгледа толку… реално“, коментира еден корисник.
Сепак, некои не криеја дека се скептични за неговата прогноза, особено затоа што забележаа дека видеото на кое слават бразилските навивачи е всушност создадено по голот на Ричарлисон на натпреварот против Србија.
Некои, исто така, истакнаа дека дресот на Жиру има само една ѕвезда над значката, што би значело дека се користени снимки од пред финалето на Светското првенство 2018 година кога Франција и ја презема победата на Хрватска за да го освои натпреварувањето по втор пат.
@worldcuptimetraveller do you trust me now? #timetravel #euro2020 #em #england #italy ♬ Back in Time x Hung Up – worldcup time traveller
Сепак, ова не е првпат „патникот низ времето“ да го предвиде конечниот резултат. Тоа се случи и во пресрет на финалето на ЕП 2020, кога ја предвиде победата на Италија со резултат 2:1, што неколку недели подоцна и се оствари.
Иако тешко дека и сега ќе се остварат неговите предвидувања, а особено деталите кои ги спомна, неговата објава привлече големо внимание, а секако многумина се забавуваа.
