Демонстрантите и полицијата утринава се судрија во градот Есен во западна Германија, каде што се одржува дводневниот конгрес на партијата Алтернатива за Германија (АфД).
Поголема група демонстранти се обиделе да го пробијат полицискиот кордон околу 5:45 часот, изјави портпаролката на полицијата.
Засега не се знае дали има повредени меѓу демонстрантите. Се очекува во Есен да се соберат околу 100.000 демонстранти.
Иако се очекува протестите да бидат мирни, властите изразија загриженост дека околу 1.000 левичарски екстремисти би можеле да употребат насилни средства за да го нарушат конгресот. Левичарските групи најавија дека ќе се обидат да ги блокираат влезовите во салата за да ги спречат делегатите на АфД да поминат.
BFE-Einheiten haben die umzingelten #AFD-Delegierten gerade aus der Seitenstraße „befreit“ und bringen sie jetzt zur #Grugahalle #e2906 #Essen #Parteitag pic.twitter.com/dnkn4gIp7Y
— Frank Schneider (@chefreporterNRW) June 29, 2024
Околу 600 делегати на АфД се состануваат во затворената градска арена Гругахале, а актуелните партиски лидери Алис Вајдел и Тино Крупала бараат реизбор пред германските парламентарни избори следната есен.
