Големите спортски ѕвезди од НБА лигата популарноста ја користат и за дополнително да ја билдаат својата банкарска сметка на многу полесен начин, преку своите профили на друштвената мрежа Инстаграм.
Друштвените мрежи многу добо им помагаат да ја наполнат сметката, а Инстаграм е вистинската платформа за тоа, односно за една објава наплаќаат толку многу што обичен човек тие пари не може да ги за работи за цел живот.
Од играчите во НБА лигата најмногу пари од објава на Инстаграм инкасира ѕвездата на Лос Анџелес Лејкерс, Леброн Џејмс. За само една објава на својот профил, тој имкасира преку 300.000 долари.
Останатите НБА играчи заработуваат многу помалку од него. На второ место по заработувачка само од постирање на една фотографија на Инстаграм е кошаркарот на Голден стејт, Стеф Кари со 155.100 долари.
Сепак, и овие суми се многу мали во однос на оба што го заработуваат многу други спортски ѕвезди. На пример фудбалерот на италијанскиот шампион Јувентус Кристијано Роналдо, добива скоро милион долари за една објава.
Пред Кристијано на листата по заработувачка е само Кајли Џенер со 1,3 милиони доалри по објава.
Што се однесува до натпреварите во НБА лигата, Денвер предводен од Никола Јокиќ го совладаа Портланд со 127:99. За Портланд ова е прв пораз по серијата од четири триумфи.
На Јокиќ му недостасуваше само една асистенција за трипл-дабл. Тој средбата ја заврши со 29 поени, 13 скока и девет асистенции.
Резултати: Њу Орлеанс – Милвоки 108:120, Хјустон – Шарлот 125:110 и Лос Анџелес лејкерс – Сан Антонио 129:102.
