Бомбардерот на германскиот гигант Баерн (М), Томас Милер, има добиено понуда од еден кинески клуб, чие име не се открива, објави „Кикер“.
Според порталот, на 29-годишниот Германец му е понуден договор со плата од 25 милиони евра годишно. Сепак, Милер нема намера да ја прифати примамливата понуда со објаснување дека тој е сѐ уште млад и премногу добар за Кина.
Милер целата своја досегашна професионална кариера, почнувајќи од 2008 година ја помина во редовите на баварскиот гигант.