Се верува дека севернокорејскиот лидер Ким Џонг Ун наполнил 40 години, но таа информација се уште е тајна во земјата која родендените на неговиот татко и дедо ги слави како државни празници.
Роденденот на Ким никогаш не е откриен, но некои извори тврдат дека тој го прославил во понеделникот, истиот ден кога беа објавени официјалните фотографии од него и неговата ќерка во посета на фарма за кокошки.
Родендените на неговиот татко и дедо – Ким Јонг Ил и Ким Ил Сунг, 16 февруари и 15 април се слават како национални празници во Северна Кореја.
Ким, кој ја презеде функцијата врховен лидер во 2011 година, никогаш не го прославил својот роденден јавно како неговите претходници, чии родендени се познати по големите воени паради.
Зошто роденденот на Ким се чуваше во тајност не е познато.
Во јануари 2020 година, севернокорејските власти му се заблагодарија на тогашниот претседател Доналд Трамп за неговите роденденски желби за Ким, но не прецизираа на кој ден тоа се случило.
Отприлика во исто време во 2014 година, кошаркарот Денис Родман ја отпеа на Ким „Happy Birthday“ пред публиката пред егзибициониот натпревар во Пјонгјанг.
Постојат бројни теории зошто Ким го крие својот роденден.
Некои мислат дека е можно тој да не сака да привлече несакано внимание на неговата покојна мајка, која е родена во Јапонија – земја во која Северна Кореја нема доверба.
Сепак, сето тоа може да се промени во иднина.
Роденденот на Ким Јонг Ил, наводно, станал официјален празник кога наполнил 40 години во 1982 година, а роденденот на Ким Ил Сунг станал празник кога наполнил 56 години во 1968 година.
