Близок извор до таборот на францускиот прволигаш Рен откри дека големиот талент, Едуардо Камавинга, без многу да размислува ја одбил богатата понуда од челниците на ПСЖ. Откако не ја прифатил понудата од „Паркот на принцовите“, младиот играч за врска ги информирал клупските челници дека сака да се пресели во редовите на шпанскиот гигант Реал (М). За да ги осигураат услугите на Камавинга, челниците на „кралскиот клуб“ мораа да го прифатат побараното обештетување од 40 мил. евра.
