Во регионот, но и на територијата на Словенија веќе неколку дена трае топлотен бран со температури до 36°С, а најтешките денови допрва следат.
Агенцијата за животна средина на Република Словенија (АРСО) прогнозира дека горештините ќе траат и следната недела, но и дека е можно да биде надминат рекордната температура на морето.
РТВ Словенија јавува дека словенечкото море брзо се загрева, а температурата на морето во Копер моментално изнесува високи 29,2 степени Целзиусови. АРСО предвидува дека рекордот би можел да падне во следната недела.
Дежурниот хидролог на АРСО Маја Копрившек изјави дека нема да биде изненадување.
„Највисоката температура на морето што ја измеривме деновиве е 29,2 степени Целзиусови. Очекуваме дека морето ќе продолжи да се загрева и во наредните денови, но нешто побавно од последните неколку дена кога температурата беше меѓу 26 и 29 °C. Зголемувањето на температурата зависи од тоа како ветерот ќе ја разбранува водената маса“, објасни таа.
Рекордна температура на морето на словенечкото крајбрежје е измерена во јули 2010 година, потсети хидрологот. Беше 31,1 степени Целзиусови.
Блаж Штер, дежурен синоптичар во АРСО, предупреди дека нема прецизен одговор на прашањето колку ќе трае овој топлотен бран.
Во Словенија кон крајот на неделата очекуваат горештините да стивнат и термометрите да покажат степен, два помалку, но падот на температурата нема да биде толку изразен што може да се зборува за крај на горештините. бран.
„Денес, како и во петок и сабота ќе биде доста топло, а во недела горештините малку ќе попуштат. На почетокот на следната недела температурата повторно ќе се зголеми. Најтопло веројатно ќе биде во средината на недела, во вторник и среда Прашањето е што ќе се случи потоа, прогнозите се уште се нејасни, но треба да очекуваме уште долго да биде жешко“, рече Штер.
АРСО потсетува дека најдолгиот топлотен бран во историјата на официјалните мерења во Словенија бил во Копер, од 14 јули до 11 август 2022 година – дури 29 дена.
