Членовите на италијанскиот парламент го поддржаа формирањето комисија за изготвување закон за третман на насилни сексуални престапници со медицински препарати кои ги блокираат андрогените хормони.
Ова беше првиот чекор кон легализација на „хемиската кастрација“.
Долниот дом ја прифати иницијативата во која се вели дека третманот треба да биде консензуален, реверзибилен и насочен кон намалување на ризикот од повторно прекршување.
Предвидена е и обврска за формирање релевантен комитет за следење, објави бриселскиот портал Политико.
Откако дојде на власт во 2022 година, десничарската влада на премиерката Џорџа Мелони донесе закон со кој се воведуваат десетици нови кривични дела и се зголемуваат казните.
Предлогот за воведување хемиска кастрација го даде десничарската партија Лига, дел од владејачката коалиција. Според предлогот на Лига, осудените сексуални престапници би можеле да добијат условна казна во замена за терапија со блокирање на хормоните.
Сепак, опозициските групи го нарекоа предлогот екстремистички и „прекршување на хуманоста и правдата“, објави Политико.
Пратеничката Симона Бонафа од опозициската Демократска партија рече дека предлогот на Лига е „неуставен… ги поткопува темелите на италијанскиот правен систем, кој со векови ги надмина физичкото казнување“.
Иницијативата на Лига е критикувана од зелените и левичарските партии како повик за репресија.
„Што е следно? Катран и пердуви, или јаже“, праша Енрико Борги од центристичката партија Вива Италија на социјалните мрежи.
Хемиска кастрација е примена на препарати кои го инхибираат ослободувањето на хормони за да го стимулираат производството на тестостерон, а со тоа да го намалат либидото. Задолжителна хемиска кастрација е дозволена во Русија и Полска и во некои американски држави за одредени кривични дела.
Сепак, постојат сомнежи за неговата ефикасност, а експертите истакнуваат дека може да има физички и психички последици. Феминистичките групи предупредуваат дека причините за насилните сексуални злосторства, како што е силувањето, не се незапирливите сексуални нагони, туку културните фактори на општеството.
Актуелниот министер за правда Карло Нордио се спротивстави на слични предлози во 2019 година, пред да влезе во владата, велејќи дека тие се „враќање во средновековните времиња“.
