Иранскиот министер за надворешни работи Абас Арагчи ги обвини Соединетите Американски Држави (САД) за учество во саботните израелски напади врз Иран.
„Американците јасно учествуваа во нападот. Американците обезбедија воздушен коридор за ционистичките воздушни сили, а одбранбената опрема што им ја испратија се смета за форма на вмешаност во неодамнешните операции“, рече иранскиот министер за надворешни работи, додавајќи дека вмешаноста на САД беше „целосно јасно“.
Зборувајќи за меѓународната реакција на израелскиот напад, Арагчи додаде дека „нивото на глобална осуда за овој агресивен чин на ционистичкиот ентитет е многу високо“.
Тел Авив во саботата соопшти дека извршил четиричасовен напад врз Иран, а Техеран рече дека „успешно ги одбил обидите“ на Израел да нападне точки во главниот град и низ целата земја.
Иранската војска подоцна потврди дека четворица војници биле убиени во израелските напади.
Нападот уследи по лансирањето на повеќе од 180 проектили од страна на Иран кон Израел на 1 октомври, што Техеран го опиша како „одмазда“ за убиствата на највисоките водачи на палестинската група Хамас и на либанскиот Хезболах.
Иран претходно предупреди дека секој израелски напад ќе предизвика „посилен одговор“.
