Иницијативниот одбор за свикување на вонреден конгрес на ВМРО-ДПМНЕ, реагира на денешната изјава на лидерот на ВМРО-ДПМНЕ Христијан Мицкоски, кој беше дециден дека нема да си поднесе оставка.
Изразуваат и жалење што, како што стои во реакцијата,Мицкоски не собрал храброст и да ја понуди својата оставка пред членството на партијата.
– Членството најдобро знае дека единствен виновник што Зоран Заев по втор пат стана премиер е Христијан Мицкоски. Човек што нема храброст да заземе став по ниедно прашање, човек што се крие на денот на избори и не им се заблагодарува на оние кои трчале за него, нема капацитет да го води ВМРО ДПМНЕ, се вели во реакцијата од Иницијатвиниот одбор за свикување на вонреден конгрес.
