Индиско момче (12) почина од Нипах, редок вирус што е посмртоносен од Ковид -19, а здравствените власти долго време стравуваа дека може да предизвика глобална пандемија, слична на сегашната со корона.
Неименувано момче почина во саботата во болница во градот Керала, на југоисток од Индија, објави Њујорк пост. Тој беше во уште две болници пред неговата смрт и дојде во контакт со неколку стотици луѓе, а 11 покажуваат потенцијални симптоми на нипаха, објави НДТВ од Њу Делхи.
Претходните епидемии на Нипах, или скратено NiV, покажаа дека смртноста од овој вирус е помеѓу 40 и 75 проценти, според Светската здравствена организација, која е неспоредливо посмртоносна од онаа предизвикана од корона вирусот.
„Вирусот почна да се шири од човек на човек за време на претходните жаришта, предизвикувајќи загриженост дека NiV може да предизвика глобална пандемија“, велат американските центри за контрола и превенција на болести (ЦДЦ).
Мораа да бидат изолирани повеќе од 100 можни контакти со момчето, а 48 лица се во болница и нивната состојба се следи. Нипах беше откриен во Малезија и Сингапур во 1999 година, кога околу 300 луѓе беа заразени, а повеќе од 100 починаа за време на појавата, објави ЦДЦ.
