Борбите продолжуваат на Блискиот Исток. Либанското милитантно движење Хезболах во неделата објави дека продолжуваат борбите против израелските сили на границата, а сведоци од Бејрут јавуваат дека во тој град повторно се слушаат експлозии. Ројтерс јавува дека Саид Аталах, водачот на вооруженото крило на Хамас, бригадата Ал-Касам, е убиен во северен Либан.
Иранскиот врховен водач, ајатолахот Али Хамнеи, во реткото обраќање во петокот рече дека Иран дополнително ќе го нападне Израел доколку е потребно, откако во вторникот го изведе својот најголем напад против противник досега.
Висок ирански командант посочи дека нападите би можеле да бидат насочени кон енергетската инфраструктура на Израел.
Хезболах допрва треба да одлучи кога и каде да го погреба својот убиен лидер Хасан Насрала, изјави извор за Си-eн-ен, бидејќи интензивната кампања на израелските бомбардирања остава неколку безбедни места за тоа во Либан.
Судбината на потенцијалниот наследник на Насрала, Хашем Сафиедин, не е јасна откако тој беше цел на напад на Бејрут, изјави израелски претставник за Си-ен-ен.
Израел го бомбардира Либан со интензитет што може да се спореди само со првите недели од неговите напади врз Газа минатата година.
Во меѓувреме, ракетниот оган на Хезболах нанесе голема штета на северен Израел.
Израелскиот воздушен напад го запре сообраќајот во близина на главниот граничен премин меѓу Либан и Сирија, изјави либански претставник.
Десетици илјади избегаа преку контролниот пункт додека милион раселени луѓе бараат засолниште од бомбардирањето.
