Израел е принуден да го одложи потенцијалниот одмазднички напад врз Иран откако од Пентагон протекоа детали за планирањето, пишува британскиот весник Тајмс.
Според извештајот, кој се повикува на разузнавачки извор запознаен со намерите на Израел, Израел е загрижен дека иако не биле именувани потенцијални цели во истекувањето на информациите, дадените детали би можеле да му помогнат на Иран да предвиди одредени шеми на напад.
Тајмс наведува дека Израел развил алтернативен план.
„Протечењето на американските документи го одложи нападот поради потребата од промена на одредени стратегии и компоненти“, рече изворот.
„Ќе има одмазда, но тоа трае подолго отколку што треба“, додава изворот.
Означени како строго доверливи, документите првпат се појавија на интернет во петокот на апликацијата за пораки Телеграм и брзо се проширија меѓу каналите на Телеграма популарни кај Иранците.
ФБИ го истражува истекувањето.
