Израел соопшти дека извршил напад на Бејрут, главниот град на Либан, и дека цел на нападот бил командант на Хезболах. Тој е обвинет за смртоносниот напад на Голанската висорамнина, која е под израелска окупација.
Израелските одбранбени сили (ИДФ) соопштија дека „извршиле целен напад во Бејрут, против командантот одговорен за убиството на децата во Мајдал Шамс и за убиството на многу други израелски цивили“.
На платформата X е објавена непотврдена снимка која наводно ги прикажува моментите по израелскиот напад.
BREAKING:
The scene in Lebanon’s capital city of Beirut right now after Israel bombed the densely populated area of Haret Hreik, targeting residential buildings.
This is terrorism. pic.twitter.com/e4p2YUMUcK
— sarah (@sahouraxo) July 30, 2024
Либанската државна новинска агенција ННА соопшти дека нападот бил извршен од дрон кој истрелал три проектили.
Соопштението на ИДФ дојде набргу откако телевизијата Ал Манар, управувана од Хезболах, објави силна експлозија што се слушнала во јужните предградија на либанската престолнина.
Областа е упориште на милитантните групи поддржани од Иран.