Извршниот директор на новиот италијански второлигаш, тимот на Монца, Адријано Галијани, стави крај на сите шпекулации кога е во прашање можниот трансфер на легендарниот шведски фудбалер, Златан Ибрахимовиќ. Поранешниот потпрецедател на калчо гигантот Милан потврди дека имал неколку состаноци со најголемата ѕвезда на „Сан Сиро“, но трансферот на Ибракадабра во редовите на Монца останува научна фантастика. Галијани откри дека клубот не може да си ја дозволи годишната плата на Ибра од 6 мил. евра.
