Легендата на Реал (М) и еден од најдобрите играчи во историјата, Зинедин Зидан, ги именуваше двајцата играчи против кои му беше најтешко да игра во неговата богата кариера.
Играчката кариера на Зидан вклучуваше престој во Кан, Бордо, Јувентус и Реал (М), освојувајќи шампионски титули во Италија и Шпанија, како и Лигата на шампионите со „кралевите“.
Офанзивниот играч за врска го освои и ЕП со Франција во 2000 година и СП во 1998 година, иако неговите играчки денови завршија лошо откако беше исклучен во финалето на СП во 2006 година против Италија кога го удри со глава Марко Матераци.
Откако ги обеси копачките, добитникот на „Златната топка“ од 1998 година почна да тренира и го достигна врвот на својата слава во Реал (М).
Во два одделни периода на кормилото на Реал, Зидан три пати по ред освои две титули во Ла Лига и Лигата на шампионите.
Тој често беше поврзуван со враќање на клупата на голем број великани како Манчестер Јунајтед, Баерн и Јувентус, но се уште е без работа.
Кога играше Зидан, имаше голем број врвни дефанзивци кои оставија неизбришлива трага во фудбалската игра. И имајќи го тоа на ум, можеби не е изненадување што кога Зидан ги именуваше двајцата најтешки играчи со кои се соочил во кариерата, и двајцата беа истакнати стопери од 1990-тите и 2000-тите.
Прв избор е легендата на Италија и Милан, Паоло Малдини, кој целата своја кариера ја помина на „Сан Сиро“, а истата траеше неверојатни 25 години.
Другиот е неговиот поранешен клупски и репрезентативен колега, Лилијан Турам, со кого Зидан го освои СП во 1998 година и ЕП во 2000 година.
„Најтешкиот противник во смисла дека беше многу добар, а не во смисла дека сакаше да те удри беше Малдини. Беше премногу паметен и интелигентен на теренот. Многу пати бев пред него и веќе знаете што ќе се случи. Ќе ми ја земеше топката без да ме допре. И Турам. Беше тежок. Кога е во твојот тим, ти си среќен. Но, ако тој игра против тебе, ти не играш“, изјави Зидан.
