Опстанокот на Украина може да се обезбеди само со наш влез во НАТО или со давање нуклеарно оружје на Киев, изјави денеска украинскиот претседател Володимир Зеленски на самитот на Европскиот совет во Брисел.
Зеленски потсети дека неговата земја се согласила да се откаже од советското нуклеарно оружје складирано на нејзина територија во замена за безбедносни гаранции од Русија, САД и Велика Британија, во согласност со Меморандумот од Будимпешта од 1994 година.
„Која од овие големи нуклеарни сили настрада, само Украина, која се откажа од нуклеарното оружје, само Украина, која се бори денес, само Украина. „Или Украина ќе има нуклеарно оружје, што ќе биде наша заштита, или треба да бидеме во некој сојуз, а освен НАТО, денес не знаеме за некој ефективен сојуз“, рече Зеленски, пренесува „Политико“.
Членките на НАТО не се во војна и, фала богу, сите се живи. Затоа го избираме НАТО наместо нуклеарното оружје, додаде Зеленски.
Во средата, Зеленски го претстави таканаречениот „план за победа“ во украинскиот парламент, кој вклучува итен повик за приклучување кон НАТО, распоредување на западни ракетни системи во Украина и дозвола за користење на ова оружје за гаѓање цели длабоко на руска територија.
Генералниот секретар на НАТО Марк Руте го поддржа пристапот на Украина во воената алијанса, велејќи дека нејзиниот пат до членство е „неповратен“, но одби да каже кога тоа би можело да биде.
Руте рече дека е запознаен со „планот за победа“ што го претстави Зеленски, но дека не може да го поддржи во целост.
