На итните парламентарни избори во Азербејџан гласачките места се затворени, а владејачката партија Нов Азербејџан на претседателот Илхам Алиев е на пат да го освои мнозинството.
Според излезните анкети, партијата Нов Азербејџан освоила 63 од 125 пратенички места, што е пад од сегашните 69 места, пренесува Ројтерс.
Гласањето започна во 08:00 часот (04:00 GMT) во неделата и заврши во 19:00 часот (15:00 GMT).
Повеќе од 6,4 милиони луѓе се регистрирани за гласање во централноазиската земја богата со нафта.
За да се обезбеди транспарентност, беа инсталирани веб-камери на 1.000 избирачки места низ целата земја. За пратенички мандати се пријавија вкупно 990 кандидати.
Предвремените парламентарни избори беа први во земјата откако таа ја врати целосната контрола врз поранешната отцепена територија Нагорно-Карабах во молскавична офанзива минатата година против силите на етничките Ерменци.
Во Нагорно Карабах се одржа гласање за прв пат по 30 години.
Азербејџан доживеа економски раст под водство на актуелниот , поттикнат од значителен извоз на нафта и природен гас, без оглед на осудите за време на мандатот.
62-годишниот лидер го наследи својот татко Хејдар Алиев, кој беше претседател помеѓу 1993 и 2003 година.
Партијата Мусават, главната опозициска партија, предложи 34 кандидати за изборите во недела, но само 25 од нив беа пријавени.
Друга опозициска партија, Републиканската алтернатива, претстави 12 кандидати.
Според уставот, изборите требаше да се одржат во ноември, но Алиев издаде декрет за продолжување на изборите бидејќи Баку ќе биде домаќин на разговорите за климата на Обединетите нации, COP29.
Изборите дојдоа само една година откако азербејџанските сили го вратија регионот Нагорно-Карабах, кој беше под контрола на етничките ерменски сили поддржани од Ерменија од 1994 година, во воена операција и ја соборија нејзината самопрогласена влада.
Повеќето од 120.000 ерменски жители во регионот избегаа од офанзивата.
