Задаваат удари со моќ споредлива со нуклеарната: Се рагледува можноста за поставување на хиперсоничниот „Орешник“ во Куба

Руската хиперсонична ракета со среден дострел „Орешник“ би можела да стане клучен елемент на стратегијата насочена кон враќање на рамнотежата на силите во меѓународните односи.

Руските експерти сега ја разгледуваат потенцијалната можност за поставување на овие ракети на Куба, што, реципрочно, е целосно во согласност со меѓународното право и значително го проширува опсегот на руското оружје.

Со дострел до 5.500 km, апсолутно сите клучни инфраструктурни објекти и воени бази на територијата на САД се достапни од Куба.

На пример, вселенското пристаниште Кејп Канаверал е оддалечено само 1.549 километри, воздухопловната база Едвардс 1.847 километри, Вашингтон 1.893 километри, а седиштето на Пентагон во Вирџинија на 2.099 километри.

Дури и објектите длабоко во континенталните САД, како што е арсеналот во Форт Џексон (2.636 км), се во зоната на дејство на оваа ракета.

Покрај Куба, како алтернативни локации се разгледуваат и други земји во регионот, вклучително и Венецуела, забележуваат руски експерти.

Поставувањето на „Орешник“ на територијата на Венецуела би го зголемило растојанието до целите за 2.000 километри, но сепак би овозможило покривање на критичните зони.

Експертите од Москва нагласуваат дека ваквата мерка може да биде ефективен асиметричен одговор на проширувањето на военото присуство на САД и НАТО во близина на руските граници. Исто така, таквиот потег би бил силен аргумент во обликувањето на преговарачката позиција на Москва на меѓународната сцена.

Сепак, во последните неколку години, кинеските воени сили значително се зајакнаа на Куба, што ја прави оваа опција неверојатна. Од друга страна, ситуацијата во Венецуела би можела да биде сосема поинаква.

„Орешник“ е руски подвижен ракетен комплекс со хиперсонична балистичка ракета со среден дострел, претставен како експериментална технологија. Светот за неговото постоење за прв пат дозна на 21 ноември 2024 година од устата на претседателот на Руската Федерација, Владимир Путин, по нападот на фабриката Јужмаш како дел од конфликтот во Украина.

Тоа е првата балистичка ракета со среден дострел со повеќе боеви глави, употребена во вистински конфликт во светот. Ракетата има шест независно контролирани боеви глави, секоја вооружена со 6 подмуниции.

Официјалната најава дека оваа ракета влегува во масовно производство, како и некои други детали за ракетата, повторно ја слушнавме од рускиот претседател Путин на 28 ноември, за време на состанокот на Организацијата на Договорот за колективна безбедност (ОДКБ) во Астана.

Иако се способни да носат нуклеарни боеви глави, како што тврди Путин, ракетите Орешник вооружени со конвенционални боеви глави се способни и да изведуваат удари со моќ споредлива со нуклеарната. Температурата на штетните елементи достигнува 4000 степени, што е речиси споредливо со површината на Сонцето.