Нудистите во Австрија се вознемирени поради плановите за жичница која би поминува преку популарната плажа на северниот раб на Виена каде што носењето костими за капење не е обврзно.
Австриската новинска агенција ја цитираше нудистката Барбара Хаусјел која кажа дека стравува за својата приватност ако на корисниците на жичницата им биде дозволено со камерите од мобилните телефони да поминуваат во тоа подрачје, пренесува АП.
„Не сакам да завршам на интернет“, изјави 72-годишничката за агенцијата А
Инвеститорот на проектот Ханес Дејако се обиде да ги смири нудистите, потврдувајќи дека жичницата ќе поминува над плажата само накратко. Покрај тоа, прозорците би можеле да бидат непроѕирни, изјави тој.
Промотивното видео за проектот со жичарата вели дека таа ќе поаѓа од транзитната станица Хајлигенштад преку Дунав, а потоа назад до Каленберг, мала планина на северот од Австрија.
Околу 115 кабини со панорамски прозорци би нуделе „прекрасен поглед на Виена“, се наведува во проектот.
